Biniiyé Diné Bizaad bóhodoo’ááłígíísh xa’át’íí?
Why Learn Navajo?
Diné Bizaad bee wójíhígíí ’éí nixí Diné daniidlínígíí nihizaad ’át’é. Nixizaad binahjį’ nixéého’dílzin dóó bee yádeiilti’. Jó ni’hosdzáán bikáa’gi Diné daxólǫ́. ’Adahwiis’áágóó Diné "Bíla’ ’Ashdla’ii" ’éí doodaii’ " ’Ał’ąą Dine’é" bee dawójíhígíí kéédahát’į́. Díí Diné t’ah sahdii bizaad daxólǫ́ǫ́ dóó t’áá bí bibee’í’ool’įįłígíí daxólǫ́.
Nixí, Diné daniidlínígíí ’ałdó’ t’ah sahdii nixizaad xólǫ́. K’ad dííshjį́įdi nixá’áłchíní nixizaad Diné Bizaad doo t’áá ’íiyisíí ’ayóo yee yádaałti’ da daazlį́į́’ xáálá Bilagáana Bizaad nixitaaniłnii’. Wónáásdóó t’áá ’éí t’éiyá bee yádeiilti’ dasiidlį́į́’.
Díí kóhoot’éego biniinaa díí site wolyéhígíí ’íishłaa. Shinahjį’ nixizaad bínídahodooł’ááł nisingo biniiyé k’ad díí kósht’į́. ’Ałdó’, nixizaad bąąh shíni’. Doo nixits’ą́ą́’ t’áadoo hooyání ’ádin dooleeł da nisin. Díí ga’ biniinaa nixizaad bindanihinistin dooleeł. Nixizaad t’áá ’aaníí ’ayóo ’ánóolnin dóó ’ayóo ga’ nizhóní. Bee yájíłti’go ’ałdó’ ts’ídá doo chxǫhoo’į́į́góó nizhóní.
Diné Bizaad nihił bééhodoozįįł nisin. T’áá ’aaníí ’ádíshní doo yee’ t’áá ’ádzaagóó ’ádíshníi da. Diné Bizaad bee nihíká’anáshwo’go t’áá bíighah NDI t’áá ni nínízingo t’éiyá! Xáálá doo t’áá ’aaníí jinízingóó doo nizhónígo bóhodííł’áał da. T’áá ’aaníí ’adá jinízingo t’éí xá ’ádoonííł.
Diné Bizaad bódahodooł’ááłgo ’át’é.
K’ad yéego, yéego ’ádaoht’į́, Shik’éí dóó ShiDine’é!
-Derek (’Ashkii) ’aní.
Nixí, Diné daniidlínígíí ’ałdó’ t’ah sahdii nixizaad xólǫ́. K’ad dííshjį́įdi nixá’áłchíní nixizaad Diné Bizaad doo t’áá ’íiyisíí ’ayóo yee yádaałti’ da daazlį́į́’ xáálá Bilagáana Bizaad nixitaaniłnii’. Wónáásdóó t’áá ’éí t’éiyá bee yádeiilti’ dasiidlį́į́’.
Díí kóhoot’éego biniinaa díí site wolyéhígíí ’íishłaa. Shinahjį’ nixizaad bínídahodooł’ááł nisingo biniiyé k’ad díí kósht’į́. ’Ałdó’, nixizaad bąąh shíni’. Doo nixits’ą́ą́’ t’áadoo hooyání ’ádin dooleeł da nisin. Díí ga’ biniinaa nixizaad bindanihinistin dooleeł. Nixizaad t’áá ’aaníí ’ayóo ’ánóolnin dóó ’ayóo ga’ nizhóní. Bee yájíłti’go ’ałdó’ ts’ídá doo chxǫhoo’į́į́góó nizhóní.
Diné Bizaad nihił bééhodoozįįł nisin. T’áá ’aaníí ’ádíshní doo yee’ t’áá ’ádzaagóó ’ádíshníi da. Diné Bizaad bee nihíká’anáshwo’go t’áá bíighah NDI t’áá ni nínízingo t’éiyá! Xáálá doo t’áá ’aaníí jinízingóó doo nizhónígo bóhodííł’áał da. T’áá ’aaníí ’adá jinízingo t’éí xá ’ádoonííł.
Diné Bizaad bódahodooł’ááłgo ’át’é.
K’ad yéego, yéego ’ádaoht’į́, Shik’éí dóó ShiDine’é!
-Derek (’Ashkii) ’aní.